Адкрыццё 69-га тэатральнага сезона!

11 верасня ва ўстанове «Заслужаны калектыў Рэспублікі Беларусь «Беларускі дзяржаўны акадэмічны тэатр юнага гледача» адбылося адкрыццё 69-га тэатральнага сезона спектаклем «Мастер и Маргарита», створаным сумесна з тэатральным праектам «ТриТформаТ».

Рэжысёр-пастаноўшчык: Таццяна Самбук. Кампазітар і аранжыроўшчык: Дар'я Гарбузняк. Мастак па касцюмах: Наталля Лазарчык. Мастак: Дар'я Волкава.

Перад спектаклем была арганізавана традыцыйна насычаная праграма, прысвечаная адкрыццю 69-га тэатральнага сезона. Гледачоў сустракалі ў вобразах мімаў студэнты кафедры тэатральнай творчасці Беларускага дзяржаўнага ўніверсітэта культуры і мастацтваў. Па тэатры былі расстаўлены фотазоны, стылізаваныя пад дэкарацыі спектакля, а таксама на першым паверсе, у фае, была арганізавана тэматычная выстава мастацкіх работ «Каляровыя вобразы Беларусі». На другім паверсе адбыўся канцэрт саксафаністаў-вучняў Мінскага дзяржаўнага музычнага каледжа ім. М. І. Глінкі.изменено 16:05