Жаночыя абліччы сталіцы
25 чэрвеня адбылася сустрэча з дырэктарам установы «Заслужаны калектыў Рэспублікі Беларусь «Беларускі дзяржаўны акадэмічны тэатр юнага гледача», заслужанай артысткай Рэспублікі Беларусь Верай Паляковай‑Макей у рамках інфармацыйна‑асветніцкага праекта «Жаночыя абліччы сталіцы».
Праект рэалізуецца Мінскай гарадской арганізацыяй РГА «Белая Русь» і накіраваны на асвятленне ўкладу жанчын, якія дасягнулі прафесійных поспехаў і праяўляюць лідарскія якасці.
У ходзе сустрэчы Вера Палякова‑Макей прадставіла свой прафесійны шлях, падзялілася досведам кіраўніцтва творчым калектывам, абазначыла ключавыя задачы сучаснага тэатра і падкрэсліла значнасць удзелу жанчын‑кіраўніц у развіцці культурнай сферы.
- teatr@beltuz.by
