Напярэдадні Дня сям’і
14 мая, напярэдадні Міжнароднага дня сям’і, ва ўстанове «Заслужаны калектыў Рэспублікі Беларусь «Беларускі дзяржаўны акадэмічны тэатр юнага гледача» перад паказам спектакля «Женя+Таня=Любовь» адбылася святочная канцэртная праграма, падрыхтаваная сумесна з вакальнай студыяй «Лемари».
Мерапрыемства стала часткай культурна-асветніцкай ініцыятывы тэатра, накіраванай на ўмацаванне сямейных каштоўнасцей і развіццё традыцыі сумеснага наведвання тэатра.
У гэты ж дзень для супрацоўнікаў ААТ «Агат-систем» і іх дзяцей была арганізавана экскурсія па закуліссю тэатра.
У ходзе экскурсіі прыняла ўдзел дырэктар тэатра, заслужаная артыстка Рэспублікі Беларусь Вера Палякова-Макей. Удзельнікі пазнаёміліся з асаблівасцямі працы творчых і тэхнічных падраздзяленняў, даведаліся пра працэс падрыхтоўкі спектакляў і задалі пытанні, якія іх цікавілі.
Праведзеныя мерапрыемствы садзейнічалі пашырэнню культурнага ўзаемадзеяння і стварэнню спрыяльных умоў для развіцця сямейнага адпачынку.
- teatr@beltuz.by
