На працягу 6 дзён гледачам былі прадстаўлены спектаклі з удзелам Веры Аляксандраўны, а таксама гастролі Тэатра-фестывалю “Балтийский дом” (г. Санкт-Пецярбург).
Увесь тэатр быў напоўнены жывой музыкай у выкананні студэнтаў Беларускай дзяржаўнай акадэміі музыкі і навучэнцаў Мінскага дзяржаўнага музычнага каледжа ім. М. І. Глінкі. Інтэрактыўную праграму падрыхтавалі студэнты кафедры тэатральнай творчасці Беларускага дзяржаўнага ўніверсітэта культуры і мастацтваў. У фае тэатра былі ўсталяваныя фотазоны, стылізаваныя пад дэкарацыі спектакля з несмяротнымі фразамі з рамана Міхаіла Булгакава “Мастер и Маргарита”.
22 кастрычніка, у дзень нараджэння Веры Аляксандраўны, дырэктара Беларускага дзяржаўнага акадэмічнага тэатра юнага гледача, заслужаную артыстку РБ прыйшлі павіншаваць ганаровыя госці:
Ірына Уладзіміраўна Дрыга – начальнік Галоўнага ўпраўлення дзяржаўных спецыяльных культурных мерапрыемстваў і прафесійнага мастацтва Міністэрства культуры Рэспублікі Беларусь;
Святлана Васільеўна Сіліч – начальнік аддзела ўстаноў культуры ўпраўлення культуры Мінскага гарадскога выканаўчага камітэта;
Наталля Уладзіміраўна Астахава – дэпутат Заканадаўчага сходу Санкт-Пецярбурга;
Святлана Іванаўна Сухавей – старшыня Гільдыі акцёраў кіно Беларусі, заслужаная артыстка Рэспублікі Беларусь;
Ала Валер’еўна Сцебакова – дырэктар тэатра-студыі кінаакцёра.
Таксама 22 кастрычніка Вера Аляксандраўна была ўзнагароджана залатым медалём імя Юрыя Тарыча “за шматгадовы ўклад у беларускі кінематограф, вернасць высокім ідэалам нацыянальнай культуры”.
Гэта было сапраўды незабыўна: кожны дзень у ТЮГу быў насычаны спектаклямі, музыкай і, вядома, напоўнены вамі, нашы любімыя гледачы!
Нягледзячы на тое, што святочны тыдзень завяршыўся, хочам яшчэ раз павіншаваць Веру Палякову-Макей з юбілеем і пажадаць усяго самага светлага, што ёсць у свеце!
Чакаем 10 лістапада ў 19.00 на спектаклі “Каренина” з Верай Аляксандраўнай. Пастаноўка ўдзельнічае ў VII Рэспубліканскім конкурсе тэатральнага мастацтва “Нацыянальная тэатральная прэмія”.
- tuz.priemnaya@gmail.com
