Марафон спектакляў аб Вялікай Айчыннай вайне стартаваў у Тэатры юнага гледача
6 мая ў Беларускім дзяржаўным акадэмічным тэатры юнага гледача стартаваў марафон спектакляў аб Вялікай Айчыннай вайне, прысвечаны 80-годдзю Перамогі.
У 12:30 і 19:00 адбыліся паказы сумеснага праекта Беларускага дзяржаўнага акадэмічнага тэатра юнага гледача і Акадэміі кіравання пры Прэзідэнце Рэспублікі Беларусь "Если бы камни могли говорить".
Куратарам праекта выступіла дырэктар тэатра, заслужаная артыстка Рэспублікі Беларусь – Вера Палякова-Макей.
Перад паказамі спектакляў адбыліся мерапрыемствы:
• у 12:00 - "Мы помним, мы гордимся". Вакальны калектыў "Лемари" выканаў вядомыя ваенныя песні пра Радзіму, каханне і сяброўства.
• у 18:30 – "Этих дней не смолкает слава". У выкананні юных музыкантаў аб'яднання "Вариация" прагучалі творы, прысвечаныя 80-годдзю Перамогі ў Вялікай Айчыннай вайне.
Таксама ў тэатры адкрылася выстава творчых работ навучэнцаў ДУА "Дзіцячая мастацкая школа мастацтваў №3 ім. Л. Шчамялёва г. Мінска" "Пусть помнит мир спасённый".
- tuz.priemnaya@gmail.com
