Востраў бяспекі
6 верасня ва ўстанове «Заслужаны калектыў Рэспублікі Беларусь «Беларускі дзяржаўны акадэмічны тэатр юнага гледача» перад паказамі спектакля «Ёжик в тумане» была рэалізавана адукацыйная праграма «Падарожжа ў краіну дарожных знакаў», падрыхтаваная сумесна з Упраўленнем ДАІ ГУУС Мінгарвыканкама.
Для гледачоў выступілі пераможцы XIII Міждзяржаўнага злёту юных інспектараў руху краін СНД — атрад «Востраў бяспекі» сярэдняй школы №53 імя двойчы Героя Савецкага Саюза Леаніда Беды. Удзельнікі прадставілі інтэрактыўныя матэрыялы і тэматычныя выступленні, накіраваныя на фарміраванне ў дзяцей і падлеткаў культуры бяспечных паводзін на дарозе.
У рамках мерапрыемства выступіў начальнік упраўлення Дзяржаўнай аўтамабільнай інспекцыі ГУУС Мінгарвыканкама Сяргей Васільевіч Бабіч, падкрэсліўшы значнасць комплекснай прафілактычнай работы і важнасць удзелу ўстаноў культуры ў прасоўванні ініцыятыў па забеспячэнні дарожнай бяспекі.
- teatr@beltuz.by
