Рэдкія кнігі ў ТЮГу

25 лістапада перад спектаклем «Женя + Таня = Любовь» у Ёлачнай зале тэатра адбылася выстава ўнікальных выданняў эпохі А.С.Пушкіна, якія прадставіў фонд аддзела рэдкай кнігі Мінскай абласной бібліятэкі ім. А.С.Пушкіна, а супрацоўнікі падрабязней распавялі пра мастацкія і публіцыстычныя друкаваныя выданні перыяду XIX-пачатку ХХ стагоддзяў, гісторыка-палітычныя альманахі, літаратурныя творы, лісты, газеты і іншыя каштоўныя матэрыялы. Варта адзначыць, што ўсе выданні знаходзяцца ў закрытым доступе, аднак 25 лістапада ў гледачоў тэатра юнага гледача з’явілася магчымасць на ўласныя вочы пабачыць рэдкія экзэмпляры.  

Акрамя таго, выдатную атмасферу дапоўніла музыка, якую выконвалі студэнты Беларускай дзяржаўнай акадэміі музыкі пад час працы выставы перад спектаклем.