Тэатральны ўрок у ТЮГу

24 лістапада ў тэатры сумесна з БДПУ ім.М.Танка быў арганізаваны Тэатральны ўрок для маленькіх гледачоў па рускай народнай казцы «Царэўна-жабка». Урок накіраваны на тое, каб праверыць узровень разумення самастойнага прачытання казкі, пашырыць уяўленні навучэнцаў пра тэатр і тэатральныя прафесіі, прывіць цікаваць да кніг і тэатральнага мастацтва.

Студэнты БДПУ ім. Танка правялі інтэрактыўную праграму для дзяцей, загадвалі загадкі, таксама распавядалі цікавыя факты пра гісторыю тэатра, а напрыканцы правялі навучэнцаў у тэатральны музей. У музеі маленькіх гледачоў чакала сапраўдная Царэўна-жабка, артыстка тэатра Кацярына Крылова, якая выконвае гэту ролю ў аднайменным спектаклі. Яна паказала дзецям касцюмы і рэквізіт са спектакля, распавяла падрабязней пра нюансы працы артыста на сцэне, і запрасіла ўсіх паглядзець «Царэўну-жабку» ў ТЮГу, каб замацаваць усе веды з Тэатральнага ўрока. Навучэнцы ў адказ падаравалі артыстцы свае малюнкі-афішы спектакля «Царэўна-жабка» і зрабілі агульнае фота на памяць.

Сумесны Тэатральны ўрок быў арганізаваны ў межах дамовы аб доўгатэрміновым супрацоўніцтве паміж Тэатрам юнага гледача і БДПУ ім.М.Танка, якая была ўрачыста падпісаная 18 лістапада дырэктарам тэатра, Заслужанай артысткай РБ Верай Аляксандраўнай Паляковай-Макей і рэктарам БДПУ ім.М.Танка, доктарам педагагічных навук, прафесарам Аляксандрам Іванавічам Жуком.

?