ГАСТРОЛІ МІНСКАГА АБЛАСНОГА ДРАМАТЫЧНАГА ТЭАТРА (Г. МАЛАДЗЕЧНА)

3 кастрычніка ў 19.00 на сцэне нашага тэатра будзе паказана дакументальная драма дакументальная драма па аднайменнай кнізе лаўреата Нобелеўскай прэміі па літаратуры Святланы Алексіевіч рэжысёра Валерыя Анісенка «Время секонд хенд» 16+.

Рэжысёр-пастаноўшчык – заслужаны дзеяч мастацтваў Рэспублікі Беларусь Валерый Анісенка

Сцэнограф  – Андрэй Жыгур

Музычнае афармленне, аўтарства песні – Дзяніс Фешчанка

Пластыка – Дзіна Юрчанка

Відэамантаж – Вячаслаў Сікора

Працягласць спектакля – 1 г. 30 хв.

Спектакль створаны ў жанры «дакументальная драма» і з'яўляецца своеасаблівым вандраваннем у наша савецкае мінулае. У творы пісьменніцы - шматгалоссе сведак, у кожнага з якіх быў свой выпакутаваны досвед жыцця. Кніга і спектакль па ёй дапамагаюць разабрацца ў дэталях таго часу. Гэта аб тым, як людзі выжывалі ў новых умовах, як ламаліся лёсы і нават жыцці былых савецкіх грамадзян. «Жывыя» успаміны - як аскепкі памяці – больш яркія і пераканаўчыя, чым любы прыдуманы мастацкі твор. Спектакль ідзе на рускай мове.

4 кастрычніка у 19.00 у ТЮГу можна паглядзець інтэрнэт-камедыю  «Любовь.Собак@.Точка.Ru» 16+ рэжысёра Рамана Самгіна па п’есе Лявона Агулянскага.

Рэжысёр – Раман Самгін

Мастак-пастаноўшчык – Максім Абрэзкаў

Балетмайстар – Сяргей Зарубін

Працягласць спектакля – 1 г. 40 хв. без антракта

Аўтар п’есы Лявон Агулянскі: «Віртуальнае жыццё не заменіць рэальнае. Там, на іншым краю Інтэрнэта – Чалавек з сапраўднай тугой, сапраўдным болем, сапраўднай прагай кахання…». Жанр спектакля – камедыя. Але паколькі гэта гісторыя пра каханне, то камедыя – лірычная. Ён – рускамоўны іншаземец, Яна – турыстка з Масквы. Пазнаёміліся, гутарылі ў віртуальнай прасторы. Натуральна, у Інтэрнэце паднасілі сабе ў выгадным свеце і раптам вырашылі ад віртуальнай прасторы перайсці да рэальнай! Гледачы стануць сведкамі забаўных і адначасова кранальных пошукаў «адрозненняў».