Майстар-клас па сцэнічнай мове
З 24 па 26 чэрвеня ва ўстанове “Заслужаны калектыў Рэспублікі Беларусь “Беларускі дзяржаўны акадэмічны тэатр юнага гледача” адбыўся трохдзённы майстар-клас па кірунку “сцэнічная мова”, рэалізаваны пры падтрымцы Расійскага інстытута тэатральнага мастацтва – ГІТІС.

Заняткі правяла старшы выкладчык кафедры сцэнічнай мовы Кайдалава Ларыса Георгіеўна. Артысты, якія прайшлі трохдзённы майстар-клас, асвоілі новыя метады і тэхнікі па працы з артыкуляцыяй і дыханнем, замацавалі тэарэтычныя веды на практыцы і атрымалі сертыфікаты.


