Рэжысёр-пастаноўшчык: Ганна Джамілашвілі
Мастак-пастаноўшчык: Дар’я Волкава
Працягласць: 50 хвілін без антракту
Узроставае абмежаванне: 0+
Прыгатуйцеся да чароўнага падарожжа ў свет зімовай казкі — у горад Заснежынск! Навагодні спектакль “Ау, Дед Мороз! или Тайна забытой сказки” запрашае юных гледачоў і іх бацькоў у захапляльную прыгоду, поўную чараўніцтва, радасці і навагодняга настрою!
У Заснежынску адбываюцца дзіўныя падзеі: адмяняюцца навагоднія святы, ранішнікі і ўрачыстасці. Самае жудаснае, што ніхто не заўважае пераменаў, акрамя Вары — дзяўчынкі, якая вельмі любіць казкі.
Ажывіўшы зламанага снегавічка, Варуша дазнаецца, што Заснежынск — гэта горад, у якім жывуць персанажы усімі любімых казак, але каварная Кікімара зачаравала іх балотнай вадой і яны забыліся пра сваё прызначэнне.
Разам з дзецьмі Варушка-Снягурка пройдзе ўсе выпрабаванні, пазнаёміцца з сапраўднай Васілісай Прамудрай, Бабай-Ягой, Іванам Царэвічам і Шэрым Ваўком і верне ў Заснежынск навагоднюю казку, але толькі з вашай дапамогай!
Далучайцеся да займальнай прыгоды, створанай ў духу усімі любімых старых казак. Вас чакае мноства цікавых і захапляльных інтэрактываў, а таксама святочны карагод з Дзедам Марозам, Снягуркай і казачнымі персанажамі каля навагодняй елкі!
- tuz.priemnaya@gmail.com
