Беларускія вадэвілі

Аўтары: Міхась Чарот, Браты Далецкія
Пастаноўка: Уладзімір Савіцкі
Мастак-пастаноўшчык: Ларыса Рулёва
Кампазітар: Уладзімір КАНДРУСЕВІЧ
Балетмайстары: Яфім ФАДЗЕЕЎ, Людміла ФАДЗЕЕВА
Мастацкі кіраўнік: Уладзімір Савіцкі

Жарты на дзве дзеі з антрактам (па творах “Міхалка” Братоў Далецкіх і “Мікітаў лапаць” Міхася Чарота)

Два кур'ёзныя выпадкі – увогуле, нічога страшнага, недарэчных памылак на дзень можа выдаць з дзясятак – калі б гаворка не ішла пра такую  важную справу як жаніцьба.

Два няўдачлівыя жаніхі, і ў кожнага – свая праблема. Адзін заблытаўся ў нявестах і ледзь не апынуўся пад вянцом з той, якая хоць і багатая, але, мякка кажучы, не вельмі маладая. Заблытаўся сам і астатніх збіў з панталыку, закруціўшы неверагодны клубок непаразуменняў і камічных недарэчнасцяў. Невядома, чым бы ўсё скончылася, калі б не прадпрымальнасць красуні-пакаёўкі і няшчасны выпадак з ...ўласнай старой кабылай!

Другому жаніху і зусім вяселля не згуляць, каб не хітрамудры план ягонае матулі. Разлад паміж Мантэкі і Капулеці – дзіцячыя гульні ў параўнанні з падкопамі, на якія здольныя добрыя суседзі ў нашай вёсцы пачатку мінулага стагоддзя! Так што не толькі жаніцьба, але нават простае спатканне закаханых Зоські ды Саўкі праз бацькоўскія сваркі было абсалютна невыканальнай місіяй. Зрэшты, трохі хітрасці плюс згублены лапаць – і ўсё завяршаецца шчаслівым фіналам. Як і належыць у вадэвілі.

 


 

Акторы

Язэп Карыта: Леанід УЛАШЧАНКА, Алег ЧЭЧАНЕЎ
Юлька, пакаёўка: Наталля АНІСІМАВА, Лізавета ФАЛЕЙ, Лізавета ШУКАВА
Міхалка: Генадзь ГАРАНСКІ, Уладзіслаў ВІНАГРАДАЎ
Змітрук: Аляксей КАЧАН, Дзмітрый АБАЗОВІК
Зоська, дачка: Ганна БОГДАН, Вікторыя КАДРАВА
Дар’я, суседка: Наталля ВАЎЧОК, Людміла РАЗУМАВА
Саўка, яе сын: Сяргей МАРГОВІЧ, Павел ЛОТАРАЎ
Мікіта: Аляксандр ТАРАСАЎ, Павел ЦЕРАХАЎ
Аўгіння: Кацярына КРЫЛОВА, Людміла АСМАЛОЎСКАЯ
Сяляне, музыкі: Кацярына КРЫЛОВА, Ала ПАПЛАЎСКАЯ, Андрэй КАЛАМІЕЦ, Ганна КАЗЛОВА, Аляксандр ГЛАДКІ, Генадзь ГАРАНСКІ, Сяргей МАРГОВІЧ, Аляксандра КРЫВАШЭЙ, Наталля ГАРБАЦЕНКА, Уладзіслаў ВІНАГРАДАЎ, Аляксей КАЧАН, Павел ЛОТАРАЎ, Аляксандр ТАРАСАЎ, Павел ЦЕРАХАЎ, Наталля АНІСІМАВА, Людміла АСМАЛОЎСКАЯ, Наста АСТАПЕНКА, Ганна БОГДАН, Вікторыя КАДРАВА, Ірына ПЯШКОВА, Лізавета ФАЛЕЙ, Лізавета ШУКАВА

Фотагалерэя