Театр юного зрителя

• 

  Сяргей Кавалёў

  Спектакль на беларускай мове.
  Працягласць — 80 хвілін.
  ад 7 гадоў

  Рэжысёр-пастаноўшчык - Наталля Башава

  Мастак-пастаноўшчык - Ларыса Рулёва

  Музычная афарбоўка – Валеры Мазур, Мікіта Рулёў

  Пластыка і танцы – Святлана Навуменка

Гісторыю пра тое, як з’явіўся і жыў сярод людзей Ісус Хрыстос, распавядае Біблія. Чатыры біблейскія аўтары пераказваюць падзеі, якім, магчыма, зрабіліся сведкамі, або пра якія дачуліся ад сведкаў. Але яшчэ ў даўнія часы па свеце вандравала шмат іншых гісторый пра Хрыста: яны не ўвайшлі ў Біблію, іх збіралі і вывучалі аматары гісторыі і літаратуры. Такія гісторыі называюць апокрыфамі. Наша тэатральная гісторыя – якраз такі самы апокрыф, толькі сучасны. Спачатку яе распавёў Сяргей Кавалёў, знаўца старажытнай беларускай літаратуры і драматург. А потым рэжысёр Наталля Башава ўвасобіла літаратурны аповяд на сцэне з акцёрамі.
Нават самыя старажытня мастакі і пісьменнікі не сумняваліся ў тым, што Ісуса Хрыста шанавалі ўсе зямныя істоты. Таму героем нашай гісторыі зрабілася Асляня, - маленькае, галоднае, змучанае цяжкай працай і нядобрым гаспадаром. Асляня вартае спагады і дапамогі. І ёсць на свеце Бог, які любіць усіх вартых спагады і дапамогі, і Бог можа дапамагчы, але – неверагодна! - часам і Бог мае патрэбу ў дапамозе! І дапамагчы яму можа нават гэтае самае маленькае, галоднае, змучанае Асляня! Што б на ягоным месцы зрабіў ты, маленькі глядач? Наша Асляня мусіць тэрмінова выпраўляцца ў дарогу: мала таго, што яна самая доўгая і небяспечная ў ягоным жыцці, дык яе яшчэ трэба адшукаць! Праўда, Асляня не адно-адзінюткае, а з людзьмі, але людзі часам такія кволыя й бездапаможныя...

Прэм'ера адбылася 15 снежня 2000 года

Ролі выконваюць:

Асёл – заслужаная артыстка Рэспублікі Беларусь Вера Кавалерава, Алена Шабад

Гаспадар - Іван Шрубейка

Зорка – Ганна Казлова, Ала Паплаўская

Парсюк – Мікіта Рулёў, Іван Ушакевіч

Крот – Андрэй Каламіец, Мікалай Лявончык

Леў – заслужаны артыст Рэспублікі Беларусь Леанід Улашчанка

Малпа – Кацярына Купчанка

Першы жаўнер - Аляксандр Колабаў, Аляксандр Унуковіч

Другі жаўнер – Мікіта Рулёў, Іван Ушакевіч

Язэп – Аляксандр Палазкоў

Марыя – Наталля Гарбаценка, Галіна Кухальская

Анёлы –Кім Бліноў, Алесь Жуковіч, Аляксандра Кавалерава, Дзіяна Шыпуля

Водгукі аб спектаклі (0)

Фотагалерэя:

• 
• 
• 
• 
• 
• 
• 
• 
• 
• 
•