Театр юного зрителя

(сакавік)

Пн	Ат	Ср	Чц	Пт	Сб	Нд
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31

» Спектаклі ў красавіку

Замовіць квіткі і атрымаць адказы на пытанні можна, патэлефанаваўшы на любы з гэтых тэлефонаў:

017226-12-43
227-39-43

Дзе мы знаходзімся, ведаеце?

А дзе набыць квіткі?

Рэпертуар / Цудоўныя гісторыі і казкі

Тарас на Парнасе

Сяргей Кавалёў
Спектакль на беларускай мове.
Працягласць — 120 хвілін.
ад 14 гадоў

Рэжысёр-пастаноўшчык - Наталля Башава
Мастак-пастаноўшчык - Ларыса Рулёва
Балетмайстры – Віктар Бескаравайны, Алена Іванькова

У спектаклі гучаць музычныя творы гурта старажытнай беларускай музыкі "Стары Ольса" і фольк-гурта "Ліцвіны".

Прэм'ера - 18 сакавіка 2004 г.

“Паэма “Тарас на Парнасе” лічыцца візітоўкай беларускай паэзіі ХIХ стагоддзя, а самаго Тараса можна параўнаць з Тылем Уленшпігелем Шарля дэ Кастэра і Кала Бруньёнам Рамэна Ралана, бо ён з’яўляецца яскравым увасабленнем нацыянальнага характара, тыпа беларуса...”
Сяргей Кавалёў

Асновай п'есы Сяргея Кавалёва паслужыла сатырычна-гумарыстычная паэма ананімнага аўтара "Тарас на Парнасе" - адзін з вяршынных твораў беларускай літаратуры ХІХ стагоддзя.
Гісторыкі літаратуры многія дзесяцігоддзі б'юцца над разгадкай таямніц "Тараса".
Доўгі час паэма распаўсюджвалася ў рукапісах і вуснай перадачы і апублікавана ўпершыню ў газеце "Минский листок" 16 мая 1889 года.
Каму толькі гэты шэдэўр не прыпісвалі! І Дуніну-Марцінкевічу, і Вярыгу-Дарэўскаму, і Тапчэўскаму, і Равінскаму, і нават бегламу дзекабрысту, які пад імем Яўхіма Крупенькі нібыта жыў у Клімавіцкім павеце. Найбольш важкім было меркаванне этнографа Е.Раманава, што аўтар паэмы - студэнт (ці студэнты) Горы - Горацкага земляробчага інстытута. Студэнцкае асяроддзе сапраўды вельмі спрыяльнае для з'яўлення такога па-маладому гарэзлівага і ў той жа час вельмі глыбокага твора, нюансы якога мог ацаніць толькі дастаткова падрыхтаваны чытач.
Пасля 1889 года "бяспашпартная" паэма вытрымала мноства выданняў, адыграўшы вялікую ролю ў нацыянальнай самаідэнтыфікацыі беларусаў, у станаўленні літаратурнай мовы, у развіцці ўсёй беларускай літаратуры. Цудоўны твор дагэтуль мае нязменны поспех, служыць як бы своеасаблівай візітнай карткай Беларусі. Гэта адзін з першых твораў новай беларускай літаратуры, які перайшоў межы Беларусі, атрымаў вядомасць у суседзяў.
Генадзь Кісялёў